摘要：出嚟行走江湖，你要識邊啲黑社會暗語！
今次就繼續(xù)延續(xù)呢個腦洞，
出嚟行，你要識邊啲黑社會暗語！
要做銅鑼灣唯一嘅陳浩南，
你必須要偷渡過香港，
「屈蛇」喺貨柜。
屈蛇
似蛇一樣蜷曲隱匿喺某處，最初指偷渡，以前偷渡客來港都會隱藏喺小艇或貨柜中。
后來引申到指違反規(guī)定留宿于某地，強調(diào)多人屈住于一個狹窄嘅空間。
貨柜上邊，你可能會遇到：
人蛇：偷渡客
小人蛇：偷渡嘅少年兒童
蛇船：載偷渡客嘅船
蛇頭：偷渡客嘅帶路人或組織者
打蛇：部分幫派綁架偷渡客向其親屬勒索
決定「撈偏」「出嚟行」，
你必須就搵到罩住你嘅社團，
社團之中會有：
阿公：又解社團﹐與同門兄弟交談時用﹐
如「大家?guī)桶⒐鰢S」
坐館、龍頭：最高領(lǐng)導人
叔父：黑社會大佬輩人士
揸fit人：話事人（實行區(qū)頭制嘅制度）
白紙扇、紅棍、草鞋：社團第二梯級嘅成員
老四九：入社團三年不能升上一級嘅人
四九仔：普通社團會員
老朋：普通非江湖上的朋友
老表：江湖上結(jié)拜兄弟
身邊嘅人龍蛇混雜，咩人都有：
大圈仔：從大陸嚟香港作案嘅人，
「大圈」指代省城廣州
牛屎飛：新界鄉(xiāng)村出身嘅社團人士
新界仔：新界新市鎮(zhèn)出身的社團人士
而為咗上位，你都咩都要做
天文臺：負責睇水嘅人
文雀：職業(yè)扒手
老笠：搶劫
老爆、爆格：爆竊，進入有人之屋行竊就叫「爆熱格」，反之則為「爆冷格」
?
收陀地：收保護費
大耳窿：從事高利貸嘅人
放數(shù)：放高利貸
起釘：黑社會開始計算貸款嘅利息
走數(shù)：債仔欠債不還或有人欠社團錢
淋油：喺你屋企門前淋油漆
你阿公瓣瓣都撈，
下邊就會有好多「場」：
大檔：非法賭場
粉檔、飯?zhí)?/strong>：非法販賣及吸食白粉嘅地方，
制造白粉嘅地方就叫「廚房」
馬檻、色情架步：賣淫場所，
「架步」系指某個地方
骨場：色情按摩桑拿浴室。
老旺：旺角
公海：油尖旺同銅鑼灣
地頭：地盤，但「環(huán)頭」系指警區(qū)
你社團同隔離義豐約出嚟「講數(shù)」，
想「四四六六」拆掂佢，
點知有條友唔夠班就出嚟做「架兩」，
大家講唔埋數(shù)，攞起「架撐」，
即刻「開片」！
開拖、開片、劈友：斗毆械斗
還拖：還手
幫拖：幫自己人打交
冧友、做低：殺人
單拖：單人匹馬
只抽：單挑
圍抽：圍毆
爆缸：流血
做一兩年，有返咁上下地位，
你就要有啲手下啦！
馬仔：手下嘍啰
新馬：新收嘅手下
收馬、收靚：招兵買馬
班馬、拖馬：搬救兵，叫幫手
見個勢頭唔啱，你想飛起你個社團，
另謀出路，你以下幾個選擇：
二五仔：社團內(nèi)奸
爆勇、報串：告密
起飛腳：背叛兄弟或社團
起尾注：類似“起飛腳”﹐指呃兄弟錢財
報串：報案或揭發(fā)同伙
做針：做警方嘅線人，提供犯罪信息
最后撈唔落去，
你嘅下場可能就得幾種：
著草、走佬：逃走、潛逃
食蓮子羹：被槍斃，60年代香港人叫子彈做“蓮子羹”，「請你食蓮子羹」就系向某人開槍
受靶：坐監(jiān)，「大祠堂」就泛指監(jiān)獄。
入冊：入獄，“冊”系指被記錄入冊以及指代籠牢嘅閘柵，所以出獄就系「出冊」
所以一旦行差踏錯，
唔系咁容易「收山」「上岸」噶！
本文僅收集最常見嘅用語，
各位自己友有咩補充？
素材出自《香港粵語慣用語研究》、維基百科等
羊城網(wǎng)負責整理編輯
最新評論