我去星爸爸點冷萃冰咖啡嘅時候，店裡面嘅小姐姐經(jīng)常會咁問我：

“你嘅冷‘翠’（ceoi3）冰咖啡要中杯定大杯啊？”

咩話？冷‘翠’（ceoi3）冰咖啡？

冇錯，喺普通話入邊，“萃取”個“萃”字同“翡翠”個“翠”字係同一個發(fā)音，但喺粵語入邊，兩個字嘅讀音係唔一樣嘎！

“萃”（seoi6）嘅正確讀音應該係類似於“睡覺”嘅“睡”，例如我哋講“萃取”、“出類拔萃”、“薈萃”都係讀呢個音。例如，香港曾經(jīng)有個比較出名女演員就叫“鄧萃雯”。

依家，唔少廣州人嘅粵語發(fā)音都會受普通話影響，另一個經(jīng)典嘅例子就係“瑞（seoi6）幸咖啡”嘅店員同我講佢哋係“銳（jeoi6）幸咖啡”，直頭幫公司改名換姓添！所以，我有朋友經(jīng)常會講笑噉問返佢哋，有冇“銳士糖”同“銳士卷”賣??？

各位自己友，你買嘢嘅時候有冇啲經(jīng)常讀錯或者唔知點讀嘅粵語？留言話畀我知啦！