摘要：食一碗牛雜，上堂生物課！
“咔擦咔擦”，牛雜阿叔邊夾起牛雜，邊用剪刀將牛雜剪成一截截，再淋上濃香嘅牛雜汁同醬料，我都不必顧及形象，直接喺街邊開飯！
牛雜，個個廣東人都食過，牛雜雖然被稱為“雜”，但其實入邊所有部位都條理分明，層層相扣，畀碗牛雜你，你又認得出幾多部位？
?
（文末仲有個搞笑神曲《牛雜》，記得睇完先好走?。?/span>
牛肚
牛嘅腹部叫「牛腩」而非牛肚，而我哋成日叫嘅「牛肚」，其實系指牛胃。
由于牛系反芻動物，牛胃有四室，分別為瘤胃、網(wǎng)胃、重瓣胃和皺胃，四個部份滋味各具特色，軟腍、香滑、爽脆、煙韌。
牛肚/毛肚
牛胃第一格（即瘤胃），生滿細毛，如地氈，稱作毛肚、草胃，口感軟腍。
金錢肚
牛胃第二格（即網(wǎng)胃），布滿蜂巢紋路，估被稱蜂巢胃，都系我哋經(jīng)常講嘅「金錢肚」，口感香滑。
牛柏葉
牛胃第三格（即重瓣胃），表面有很多瓣膜，被稱為「牛百頁」或「牛柏葉」，口感爽脆。
牛沙瓜
牛胃第四格（即真胃、皺胃），真正用嚟消化食物嘅部位，外表似瓜而被稱為牛沙瓜或牛傘肚，口感煙韌。
牛雙連
牛胃最厚嘅部份，即胃與胃之間嘅相連處，味道最香。
牛腸
牛腸頭
牛腸最厚肉嘅位置，比較有咬口。
牛大腸
大腸清洗干凈之后，會帶有一層薄薄嘅脂肪，咬落去甘香四射，帶有嚼勁。
牛竹腸
牛嘅小腸頭，外皮薄，內(nèi)有少量油脂，偏瘦爽身，脆中帶香。
牛粉腸
牛嘅小腸部分，外皮較結(jié)實，入口粉糯帶黏性。
牛肺
牛肺比豬肺要結(jié)實，更有彈性，口感腍滑帶點爽脆。
牛膀
即牛嘅胰臟，一只頭只有一小塊，而且好難處理，堪稱牛雜嘅精華所在，一碗牛雜嘅成敗就睇牛膀嘅味道。
好嘅牛膀應該系入口粉糯嫩滑，甘香松化，且味道不羶不澀。
牛脆骨
牛嘅氣管，與牛肺相連嘅軟骨管道，系好罕見嘅部位，食落脆口
牛黃喉/牛心碇
牛心上嘅大動脈，口感爽脆，經(jīng)常作為火鍋或牛雜料。
少有部位
牛心、牛肝、牛腎較硬，不容易烹煮，所以牛雜中出現(xiàn)呢啲部位嘅幾率唔高。
▲牛肝
▲牛腎
▲牛心
▲牛姜：牛嘅喉嚨
▲牛天梯：牛嘅氣管，因外型呈層狀而命名
由于時間關(guān)系，仲有啲罕見部位就唔詳細介紹啦，有興趣嘅自己友，自己去查下~！
?
牛歡喜：牛嘅子宮
牛荔枝：牛嘅“高丸”，有人話應該叫“牛波子”
牛歡笑：牛嘅“音部”
牛 ? 鞭：嗯，你明嘅……
牛指甲：牛蹄上起甲后嘅嫩肉部位
牛頭皮：牛頭上嘅皮
……
**如文章有唔正確嘅地方，歡迎大家指正補充。
最后奉上勁搞笑網(wǎng)絡改編神曲：
《牛雜》
小科普：《牛雜》改編自王菀之嘅《留白》，由龍小菌改編及主唱，于無線綜藝節(jié)目《Sunday扮嘢王》中，由「蝦頭」楊詩敏模仿王菀之唱出此曲。
各位自己友，
你哋最中意嘅部位又系邊個？
（我講緊只牛啊?。。。?/span>
想一齊督牛雜，
就掃下呢個碼~
素材出自新浪香港、蘋果日報等
羊城網(wǎng)負責整理編輯
最新評論